ఆడదన్నా, కొండలన్నా

“ ఆడదాని అందానికి
అలవాటైపోతాం క్రమంగా
ఎంత అందక్తౖతెనా
కొంత పరిచయంతో విసుగుపుట్టిస్తుంది ”
అన్నారెవరో : కాని
అలా అనిపించదు నాకు.

ఊరెనకాతల కొండలా
ఉన్నతంగా లేచి
నే చేసే ప్రతిపనికీ
నేపథ్యంగా నిలుస్తుందామె.

కొండలాగే క్షణక్షణమూ
రంగులు మారుస్తుంది.
కొండలకేసి చూస్తో నేను
కొన్ని యుగాలు గడిపేయగలను.

కొండొక ఊళ్ళో కొన్నాళ్ళు
కొండపక్క కాపురమున్నాం.
మిత్రుడొకతను మాట్లాడుతుంటే
చిత్రంగా మారే కొండకేసి చూస్తున్నా
‘Obsession(ఆ) నీకు? ‘
అన్నాడతను విసుగ్గా.
అంతే ననుకుంటా __
ఆడదన్నా, కొండలన్నా

చిన్నప్పుడు కొంతకాలం
గన్నవరంలో గడిపాం :
ఈ మధ్యని వెళితే
నేపథ్యంలో కొండలు తలెత్తి చూశాయి :
చెరువొక్కటే
చిన్నప్పటి జ్ఞాపకం.

ఇరు Obsession లూ ఒకేమారు
తరువాత పుట్టాయనుకుంటా.

5-10-74