8 of 20

ముందు మనస్సునీ
ఆ వెనక గదినీ
తర్వాత విశ్వాన్ని ఆవరించింది చీకటి.
------
కిలకిల మంటూ బడిలో పిల్లలు.
పిట్ట లన్నిటికీ ఒకే పాట నేర్పాలని
పట్టు పట్టిన మేష్టారు.
------
చెరువు.
చెరువులో ప్రతిబింబాలు.
వాటిని అనుసరిస్తూ గట్టుపై చెట్లు.
------
తలకి మబ్బూ
కాళ్ళకి సరస్సూ తోడుక్కోకపోతే
కొండ కొండే కాదు.
------
చెరువు లేకపోతే
చెట్ల నీడల్ని
ఎవరు చేరదీస్తారు ?
------
తెల్లారు ఝాము రైలు
తూర్పు దిగంతాన్ని చీలుస్తుంది.
అప్పుడు బైటపడతాడు సూర్యుడు.
------