11 of 20

కొబ్బరాకుల కొనలు
గాలి తలని దువ్వుతుంటే
నా కళ్ళు నిద్రజోగాయి
------
పదును బెట్టిన అంచుతో
తహ తహ లాడుతున్నాడు చంద్రుడు.
ఒక్క మబ్బుతునకా కనిపించదేం ?
------
వేసవి వచ్చింది కాని
కోయిల రాలేదు;
ఎండలకి విరుగుడేమిటి ?
------
ఆకాశం నిండా మబ్బు నురగలు
అరిగిపోయిన సబ్బు బిళ్ళ
అడుగున చంద్రుడు.
------
కాంతి పూర్తిగా ఎండిపోయినా
పస్చిమాకాశాన్ని వదలని
సూర్యుడి అవశేషం.
------
కొబ్బరాకుల్లో చిక్కుకున్న చంద్రబింబం.
ప్రియురాలి తలపోతలో ప్రియుడు.
ఎవరు ఎవర్ని వెలిగిస్తారు ?
------