15 of 20

కొత్త కోక కట్టు కొచ్చింది
సీతాకోక చిలక.
శ్రావణ మాసం కదా.
------
బుల్లోది బుల్లికాయ
బుల్లి చంద్రుడు.
రాత్రి దుప్పటి సరిగా తడవలేదు.
------
పొగచూరిన చిమ్నీలో
చిక్కుపడిన దీపశిఖ
పంజరంలో పక్షి.
------
పొద్దున్న లేస్తూనే
ఫర్నీచరునీ నన్నూ కలిపి
పాలిష్ చేస్తుంది మా ఆవిడ !
------
సూర్యుడు అస్తమిస్తుంటే
గుళ్ళో గంటలు
మేల్కొన్నాయి.
------
అలల చేత తాపులు తింటోంది
సముద్ర పొడ్డున ఒకే బండ
తోటి బండ లేమయాయి ?
------
ఆకాశంలో మునకవేసి
మరింత నీలంగా వాలింది
పాలపిట్ట.
------
అల్లరి చేసి, ఆపి,
తోచక తిరిగి అల్లరి చేస్తున్నాడు
ఒంటరి పిల్లాడు.
------
పిల్లి నా పక్క మీద
గాఢ నిద్ర పోతోంది.
దీన్నెలా లేపను!
------