7 of 20

తెల్లారుజాము నిద్దట్లో
రైలో, గేదో అరుస్తుంది.
లేస్తూనే పాలు సిద్దం.
------
పౌర్ణమి చంద్రుడు,
ఊరంతా వెన్నెల.
నిండుకుండ తోనక దంటా రేమిటి ?
------
నువ్వెళ్ళి పోయాక
అన్నీ అలాగే వున్నాయి, ఏమి మారలేదు.
అదే నా బాధ.
------
పిల్లి తోకకీ
పిల్లలకీ ఏమిటి ఆకర్షణ ?
పిల్లి తో కాడిస్తోంది.
------
రోము నగరాన్నించి
బొమ్మ పోస్టుకార్డు పంపించాడు మిత్రుడు.
ఈ వీధుల్లో ఎక్కడో తప్పిపోయినట్టున్నాడు.
------
ఇద్దరు చంద్రులతో
ఇంటికి తిరిగొచ్చా నివాళ సాయంత్రం.
ఆకాశంలో ఒకడు, కాలవలో ఒకడు.
------