15 of 20

నిన్న రాత్రి
ఎంత వెన్నెల కాసింది !
కాకులు కూడా నిద్ర పోలేదు.
------
పడుకునే ముందు పిల్లలు
దెయ్యాల కధలు చెప్పుకుని
ఒకర్నొకరు భయపెట్టుకున్నారు.
------
కప్పలకి కీచురాళ్ళకి
సంగీత పోటీ !
వర్షా సంధ్య.
------
మా ఇంటికి
పేరంటాని కొచ్చింది కప్ప పిల్ల.
వాన లోచ్చిన సంబరం.
------
గోడ కూలిపోయింది.
చంద్రోదయం
ఎంచక్కా చూడొచ్చు ఇక మీదట.
------
చెట్టు కింద
సగం కొరికిన జామి పిందెలు.
పైకి చూస్తే చెట్టు నిండా చిలకలు.
------
జ్ఞాన ముద్రలో కూచున్న
బుద్ధుడు.
బోదురు కప్ప.
------
ఇంత వెన్నెల కాస్తున్నా
కాకి
నల్లగా అరుస్తోంది.
------
సముద్రం ఆవేశపడుతుంటే
నది ప్రశాంతంగా ప్రవహిస్తోంది :
సాగరసంగమం.
------