14 of 20

వెన్నెట్లో మెరిసిన
కొబ్బరి ఈనెలు
ఇల్లు ఊడుస్తున్నా ఇప్పుడు.
------
చెట్టు మీంచి పిట్టపాట
చెట్టంతా వెతికాను.
పిట్ట కనిపించదు.
------
నీళ్ళ నిండా మబ్బు పింజెలు.
లంకల నిండా రెల్లు దుబ్బులు.
గొదావ రంతా తెల్లబడింది.
------
పిట్టల్ని తోలమని
పాపని కాపలా పెడితే
కాకుల్తో స్నేహం చేస్తోంది.
------
కొబ్బ రాకులికీ
పిల్లల ఆటలకీ
వెన్నెల మెరుగుపెట్టింది.
-------
చీకట్లో పట్టాలు మెరుస్తున్నాయి.
రైలొచ్చి,ఆగి,వెళ్ళింది.
తిరిగి పట్టాలు మెరుస్తున్నాయి.
------