12 of 20

మెట్ల పెదిమలపై
మెల్లగా విస్తరిస్తూ
వెన్నెల చిరునవ్వు
------
కాకినాడ ఆకాశంలో
విరిసింది సంజగులాబీ.
నగరవాసులే దీనికి ముళ్ళు.
------
మామిళ్ళు పూచాయి.
తోపు నిండా, కాపు తల నిండా
తుమ్మెద ఝంకారం.
------
వేసవి రాత్రులు వచ్చాయి.
చుక్కలు లెక్కిస్తూ
నిద్రలోకి జారుకోవచ్చు.
------
లక్ష నక్షత్రాలతో
గ్రీష్మ నిశీధాలు
నా పై ప్రవహించి పోనీ !
------
వేసవి రాత్రి.
ఆరుబైట ఎన్ని పక్కలు
ఆకాశంలో ఎన్ని చుక్కలు
------