17 of 20

నీలాకాశ మంతా ఈది
ఇంకా తెల్లగానే వున్నాయి
తెల్ల కొంగలు.
------
బోటుని
దాని నీడకి కట్టేసి
పడవ సరంగు ఎటో పోయాడు.
------
పిట్టలు ఎగిరాక గాని
కళ్ళెంలో
పిట్టలు వాలినట్లు తెలీదు.
------
పౌర్ణమి చంద్రుణ్ణి
ఒక్కొక్కచెట్టుకు వేలాడదీస్తూ
తోటంతా తిరిగాను.
------
మన ల్నింతగా అలరించే పక్షులు
పక్షులుగా నటించడానికి
ఎంత కిరాయి తీసుకుంటున్నాయి ?
------
దుప్పటి కప్పుకోకపోతే
దోమల బాధ,
కప్పుకుంటే ఉక్క.
------