13 of 20

వాన కురుస్తున్న చప్పుడికి
ఒళ్ళు పులకరించింది
వాన కాదు, కొబ్బరాకుల్లో గాలి.
------
చీకటి స్టేషన్ లో రైలాగింది.
రైలు వెళ్ళాక మళ్ళి చీకటి.
స్టేషను పేరు తెలియదు.
------
రకరకాల శబ్దాలు
చేస్తోంది వాన.
ఏ మంటుందో తెలీదు.
------
మూల పడివుంది గొడుగు.
వానలోస్తే కాని
ఇది వికసించదు.
------
లాంతరు వెలుతుర్లో
పాప చదువుకుంటోంది
ఎవరు ఎవర్ని వెలిగిస్తున్నారు ?
------
కొండెక్కుతుంటే
తలకిందులుగా
కోయిల కూత.
------