5 of 20

తన నీడని నిత్యం చూసుకుంటూ బతకమని
బోటుని గట్టుకు కట్టేయటం
ఎంత క్రూర శిక్ష !
------
వీధి గోడలకి
వెన్నెలంటే ఎంత ప్రేమో !
వెన్నెట్లో మెరిసిపోని గోడ వుందా ?
------
ఎర్రగా మండే ఎండాకాలంలో
ఈ గుల్ మొహర్ మంట లేమిటి !
మంటకి మంటే మందు.
------
పటిక బెల్లం తింటుంటే
పాప చూసి, ఆగింది
డానికి పెట్టాక ఇంకా తీపెక్కింది బెల్లం.
------
అర్దరాత్రి రైలు కిటికీలో
అకస్మాత్తుగా
చంద్రోదయం.
------
ఒక రాత్రి వేళ
సెలయేరు గలగల మంది.
ఎక్కడో కొండల్లో కురిసిన వర్షం.
------