దీర్ఘ వర్షా సంధ్య :
ఈ చిన్ని సన్నజాజి పూవే
నాకు తోడు.
------
తెల్లారాక చూస్తే
మా ఇంటి ముందు
కొత్త చెరువు మొలిచింది.
------
రాత్రి వాన
మెత్తటి పదాలతో
నా నిద్రలోకి నడిచింది.
------
దొరువులు మబ్బులతోనూ
మబ్బులు కప్పల బెకబెకలతోనూ
నిండిపోయాయి.
------
వంట పాత్రలతో
కొత్త సంగీతం సృష్టిస్తున్నాడు
వంటింట్లో దూరిన పిల్లాడు.
------
రాత్రి హోరున వర్షం.
ఉదయం లేచి చూస్తే
ఎదురింటాయనకు రెండు మేడలు!
------
No comments:
Post a Comment